నల్లగొండ జిల్లా నాగార్జునసాగర్ నియోజకవర్గంలోని నిడమనూరు మండలానికి చెందిన తుమ్మడం గ్రామం వ్యవసాయ ప్రధాన గ్రామంగా పేరుగాంచింది. జిల్లా కేంద్రానికి సుమారు 40 కిలోమీటర్లు, నాగార్జునసాగర్‌కు 30 కిలోమీటర్లు, హాలియాకు 10 కిలోమీటర్లు దూరంలో ఉన్న ఈ గ్రామం వరి సాగు, పాడి పరిశ్రమ, ప్రజల ఐక్యతకు చిరునామాగా నిలిచింది. ఈ గ్రామ ప్రజల విశ్వాసాన్ని సంపాదించి, గ్రామాభివృద్ధి కోసం ముందుకు వస్తున్న నాయకుడు బుర్రి వెంకటేశ్వరులు యాదవ్.

డిసెంబర్ 15న జరిగిన రెండో విడత గ్రామపంచాయతీ ఎన్నికల్లో హోరాహోరీగా జరిగిన పోరులో సుమారు 800 ఓట్ల భారీ మెజారిటీతో గెలుపొందారు. ఈ విజయం నాగార్జునసాగర్ నియోజకవర్గంలో రెండవ అతిపెద్ద మెజారిటీగా నమోదైంది. కుటుంబ నేపథ్యం బుర్రి వెంకటేశ్వరులు యాదవ్ తండ్రి బుర్రి లింగయ్య, తల్లి లక్ష్మమ్మ. లింగయ్య గారు సుదీర్ఘకాలం ఫిషరీస్ చైర్మన్‌గా పనిచేసి ప్రజలకు విశేష సేవలందించారు.

2014లో ఆయన మరణించినప్పటికీ, ప్రజాసేవలో ఆయన వేసిన అడుగుజాడలను కుమారుడు వెంకటేశ్వరులు కొనసాగిస్తున్నారు. విద్యాభ్యాసం వెంకటేశ్వరులు తుమ్మడం ప్రభుత్వ ఉన్నత పాఠశాలలో 1వ తరగతి నుంచి 10వ తరగతి వరకు విద్యాభ్యాసం పూర్తి చేసి, అనంతరం ఇంటర్మీడియట్ చదివారు. చిన్ననాటి నుంచే గ్రామ సమస్యలు, రైతుల కష్టాలు, ప్రజాసేవ పట్ల ఆసక్తి పెంచుకున్నారు.

ప్రజాసేవలో ప్రస్థానం గ్రామ ప్రజలతో నిరంతరం మమేకమై పనిచేస్తూ, గతంలో ఫిషరీస్ చైర్మన్‌గా బాధ్యతలు నిర్వహించారు. ప్రస్తుతం మండల కన్వీనర్‌గా కూడా సేవలందిస్తూ పార్టీ బలోపేతంతో పాటు ప్రజా సమస్యల పరిష్కారానికి కృషి చేస్తున్నారు. అభివృద్ధే లక్ష్యం సర్పంచ్‌గా ఎన్నికైన తర్వాత గ్రామంలో మౌలిక వసతుల కల్పన, సీసీ రోడ్లు, తాగునీటి సౌకర్యం, పారిశుద్ధ్యం, వీధి దీపాలు, పచ్చదనం, రైతుల సంక్షేమం వంటి అంశాలకు ప్రాధాన్యత ఇస్తున్నారు. ప్రజల భాగస్వామ్యంతో గ్రామాన్ని ఆదర్శ గ్రామంగా తీర్చిదిద్దాలనే లక్ష్యంతో పనిచేస్తున్నారు.

రాజకీయ అనుబంధం నాగార్జునసాగర్ నియోజకవర్గానికి సుదీర్ఘకాలం ఎమ్మెల్యేగా, మంత్రిగా సేవలందించిన కుందూరు జానారెడ్డి నాయకత్వంలో ఈ ప్రాంతం అభివృద్ధి చెందింది. బుర్రి వెంకటేశ్వరులు తండ్రి లింగయ్య గారికి ఈ మండల తొలి ఎంపీపీ ఎడవల్లి రంగసాయి రెడ్డి గారితో గురు-శిష్యుల అనుబంధం ఉండటం వారి కుటుంబ ప్రజాసేవా సంప్రదాయానికి నిదర్శనం. తుమ్మడం గ్రామ ప్రత్యేకత తుమ్మడం గ్రామం నాగార్జునసాగర్ ఆయకట్టు పరిధిలో ఉండటంతో వరి సాగుకు ప్రసిద్ధి చెందింది.

వ్యవసాయం, పాడి పరిశ్రమ, పశుపోషణ గ్రామ ప్రజల ప్రధాన జీవనాధారం. అన్ని వర్గాల ప్రజలు పరస్పర సహకారంతో జీవిస్తూ గ్రామ అభివృద్ధిలో భాగస్వాములవుతున్నారు. ప్రజల విశ్వాసమే బలం భారీ మెజారిటీతో ఎన్నిక కావడం బుర్రి వెంకటేశ్వరులు యాదవ్‌పై గ్రామ ప్రజలకు ఉన్న విశ్వాసానికి నిదర్శనం. ప్రజలకు అందుబాటులో ఉంటూ, అభివృద్ధి కార్యక్రమాలకు ప్రాధాన్యత ఇస్తూ, యువ నాయకుడిగా తనకంటూ ప్రత్యేక గుర్తింపు సంపాదిస్తున్నారు. "ప్రజల ఆశయాలే నా ఆశయం... గ్రామాభివృద్ధే నా లక్ష్యం" అనే సంకల్పంతో ముందుకు సాగుతున్న తుమ్మడం గ్రామ సర్పంచ్ బుర్రి వెంకటేశ్వరులు యాదవ్, గ్రామాభివృద్ధికి అంకితభావంతో పనిచేస్తున్న ప్రజానాయకుడిగా నిలుస్తున్నారు.