జిన్నారం మండలంలో ఎస్ఐఆర్ ఓటర్ నమోదు ప్రక్రియపై ప్రభాస్ అభియాన్ సమీక్ష
ఆగస్టు 3లోపు ప్రతి అర్హుడు తప్పనిసరిగా ఓటు నమోదు చేసుకోవాలి: వై. నరేందర్ రెడ్డి, కొత్తకాపు జగన్ రెడ్డి
జులై 30: భారత ఎన్నికల సంఘం చేపట్టిన స్పెషల్ ఇంటెన్సివ్ రివిజన్ (SIR) కార్యక్రమంలో భాగంగా జిన్నారం మండలంలో కొనసాగుతున్న ఓటర్ నమోదు, ఓటరు జాబితా సవరణ, పరిశీలన ప్రక్రియపై భారతీయ జనతా పార్టీ ఆధ్వర్యంలో ప్రభాస్ అభియాన్ సమీక్ష సమావేశం నిర్వహించారు. ఈ కార్యక్రమానికి మండల అధ్యక్షులు కొత్తకాపు జగన్ రెడ్డి అధ్యక్షత వహించారు.
ఈ సందర్భంగా మండలంలోని ప్రతి బూత్లో ఇప్పటివరకు ఎంత శాతం ఓటర్ నమోదు పూర్తయిందనే అంశంపై సమీక్ష నిర్వహించి, మిగిలిన అర్హులందరి పేర్లు ఓటరు జాబితాలో నమోదు అయ్యేలా కార్యాచరణ చేపట్టాలని సూచించారు.
మండల ఇన్చార్జి వై. నరేందర్ రెడ్డి మరియు మండల అధ్యక్షులు కొత్తకాపు జగన్ రెడ్డి మాట్లాడుతూ, భారత ఎన్నికల సంఘం చేపట్టిన ఎస్ఐఆర్ కార్యక్రమాన్ని ప్రజల్లోకి తీసుకెళ్లేందుకు జిన్నారం మండల బీజేపీ బీఎల్ఏ-2లు, బూత్ అధ్యక్షులు, శక్తికేంద్ర ఇన్చార్జ్లు, పార్టీ కార్యకర్తలు ఇంటింటికీ వెళ్లి అవగాహన కల్పిస్తూ, అర్హులైన ప్రతి ఒక్కరూ తమ ఓటును నమోదు చేసుకునేలా నిరంతరం కృషి చేస్తున్నారని తెలిపారు.
ప్రధానమంత్రి శ్రీ నరేంద్ర మోదీ నాయకత్వంలో దేశంలో పారదర్శక పాలన, ప్రజా భాగస్వామ్యం, ప్రజాస్వామ్య విలువలకు అత్యున్నత ప్రాధాన్యం లభిస్తోందని వారు పేర్కొన్నారు.
ఆగస్టు 3వ తేదీ ఓటర్ నమోదు ప్రక్రియకు చివరి తేదీ కావడంతో, ఇప్పటికీ ఓటు నమోదు చేసుకోని అర్హులైన ప్రతి ఒక్కరూ ఆలస్యం చేయకుండా సంబంధిత బీఎల్వోను సంప్రదించి తమ ఓటు నమోదు, పేర్ల సవరణలు, చిరునామా మార్పులు పూర్తి చేసుకోవాలని ప్రజలకు విజ్ఞప్తి చేశారు.
“ప్రతి ఓటు ప్రజాస్వామ్యానికి బలం… ప్రతి అర్హుడి పేరు ఓటరు జాబితాలో ఉండాలి” అని వారు పిలుపునిచ్చారు.
ఈ కార్యక్రమంలో సంగారెడ్డి జిల్లా కిసాన్ మోర్చా ప్రధాన కార్యదర్శి వంగటి రాజిరెడ్డి, కౌన్సిలర్ బుర్రెడ్డి స్వప్న రాజేందర్ రెడ్డి, జిల్లా కౌన్సిల్ సభ్యుడు పూడూరి సుధాకర్, సీనియర్ నాయకులు కమ్మరి కృష్ణ, గొర్ల శ్రీనివాస్ యాదవ్, ఆదిత్య, అశోక్ తదితరులు పాల్గొన్నారు.
ఆగస్టు 3వ తేదీ ఓటర్ ఎన్రోల్మెంట్ నమోదు ప్రక్రియకు చివరి తేదీ కావడంతో, ఇప్పటికీ ఓటు నమోదు చేసుకోని అర్హులైన ప్రతి ఒక్కరూ ఆలస్యం చేయకుండా సంబంధిత బీఎల్వోను సంప్రదించి తమ ఓటు నమోదు, పేర్ల సవరణలు, చిరునామా మార్పులు పూర్తి చేసుకోవాలని ప్రజలకు విజ్ఞప్తి చేశారు. “ప్రతి ఓటు ప్రజాస్వామ్యానికి బలం… ప్రతి అర్హుడి పేరు ఓటరు జాబితాలో ఉండాలి
ఈ కార్యక్రమంలో సంగారెడ్డి జిల్లా కిసాన్ మోర్చా ప్రధాన కార్యదర్శి వంగటి రాజిరెడ్డి కౌన్సిలర్ బుర్రెడ్డి గారి స్వప్న రాజేందర్ రెడ్డి జిల్లా కౌన్సిల్ నెంబర్ పూడూరి సుధాకర్ సీనియర్ నాయకులు కమ్మరి కృష్ణ గొర్ల శ్రీనివాస్ యాదవ్ ఆదిత్య అశోక్ తదితరులు పాల్గొన్నారు